Dan il-ktieb jiġbor fih tnax-il storja (jew leġġenda)
sabiħa li minnhom insiru nafu kif bdew ċerti drawwiet tal-Milied. Naraw min kien
l-ewwel wieħed li għamilha ta’ Father Christmas. Naqraw kif bdiet id-drawwa
tas-Siġra tal-Milied u għaliex inżejnuha bit-tinsil. Insiru nafu min hi
l-Befana, min kien Patri Froilan u x’għamel fil-Milied it-twajjeb Re Winċeslaw.
Naqraw l-istorja tal-iżgħar ġemel li wasal ħdejn Ġesù mal-Maġi u mnejn ġiet
l-ewwel ponsjetta. F’dan il-ktieb insiru nafu wkoll għaliex sikwit naraw
il-pitirross fuq il-kartolini tal-Milied u naqraw l-istorja taċ-ċikonja
(bl-Ingliż stork) u kif tidħol fil-Milied.